Plean Gníomhaíochta Custaiméirí
Is é aidhm an CRF an caighdeán is airde seirbhíse a chur ar fáil do chustaiméirí uile. Inár bPlean Gníomhaíochta Custaiméirí leagtar amach na caighdeáin dá bhfuilimid tiomanta agus ár seirbhísí á soláthar againn dár gcustaiméirí.
Cuirtear síos i bPlean Gníomhaíochtaí Custaiméirí an CRF ar an dóigh a ndéanfaidh an CRF na gealltanais agus na caighdeáin atá leagtha amach sa Chairt Chustaiméirí a sheachadadh agus a mheas.
Prionsabail na seirbhíse ardchaighdeáin do chustaiméirí
Tá ár seirbhísí bunaithe ar na 12 Phrionsabal threoracha de sheirbhís Ardchaighdeán do Chustaiméirí d’eagraíochtaí na hearnála poiblí. Déanaimid monatóireacht ar ár bhfeidhmíocht i gcoinne na bprionsabal sin chun a chinntiú go bhfuil siad á mbaint amach againn agus déanaimid beart mura bhfuil sin á dhéanamh againn.
Caighdeáin seirbhíse ardchaighdeáin
Inár gCairt Custaiméirí sonraítear na caighdeáin seirbhíse ar féidir lenár gcustaiméirí bheith ag súil leo nuair a idirghníomhaíonn siad linn.
Comhionannas agus Éagsúlacht
Táimid tiomanta do bhacainní a bhaint do dhaoine uile a bhfuil rochtain acu ar ár seirbhísí.
Rochtain fhisiceach
Cuirimid rochtain fhisiceach oiriúnach ar fáil ar ár n-oifigí agus cinntímid go gcomhlíontar na caighdeáin riachtanacha i ngach uile láthair.
Faisnéis
Cinntímid go bhfuil an fhaisnéis uile a chuirimid ar fáil duit soiléir, intuigthe agus oiriúnach do do riachtanais.
Sa bhreis ar an tseirbhís réitithe gearán, cuireann ár bhFoireann Cúraim Custaiméirí faisnéis ar fáil do chustaiméirí maidir le cearta ginearálta custaiméirí mar aon le faisnéis eile a bhaineann le gníomhaíochtaí an CRF.
Tá faisnéis maidir leis an tseirbhís sin sonraithe faoi Chúram Custaiméirí sa Chairt Custaiméirí.
Tapúlacht agus Cúirtéis
Is é ár n-aidhm chun a bheith tapa agus cuiditheach, foighneach agus dea-mhúinte i ngach caidreamh lenár gcustaiméirí.
Gearáin
Táimid tiomanta do dhéileáil le gearáin ó chustaiméirí faoi cháilíocht na seirbhíse dár gcuid ar bhealach cothrom agus oscailte.
Tá seirbhís réitithe gearán ar leith ag an CRF maidir le gearáin gan réiteach ó chustaiméirí maidir lena soláthairtí fuinnimh nó maidir le soláthraithe líonra fuinnimh nó uisce.
Mar chuid dár nós imeachta gearán, tairgimid achomharc do chustaiméirí nach bhfuil sásta le cinntí a dhéantar maidir le gearáin faoinár seirbhísí.
Comhairliúchán agus meastóireacht
Tá comhairliúchán agus aiseolas tábhachtach chun cuidiú linn ionchais agus riachtanais ár gcustaiméirí mar aon le heasnaimh sna seirbhísí a chuirimid ar fáil a thuiscint.
Comhionannas um theangacha oifigiúla
Aithnímid an ceart atá agat rochtain a bheith agat ar ár seirbhísí trí mheán na Gaeilge agus tacaímid leis an gceart sin.
An custaiméir inmheánach
Táimid tiomanta do dheimhin a dhéanamh de go n-aithnítear ár bhfoireann mar chustaiméirí dár gcuid freisin agus don sholáthar seirbhíse sármhaithe a éascú go hinmheánach agus go seachtrach araon.
Rogha
Táimid tiomanta do dhóigheanna agus do bhealaí iomadúla a sholáthar ionas go mbeidh rochtain ag ár gcustaiméirí ar ár seirbhísí, ar fhaisnéis agus ar dhóigh chun teagmháil a dhéanamh linn.
Comhordú níos fearr
Oibrímid le raon eagraíochtaí in Éirinn agus ar bhonn idirnáisiúnta lena n-áirítear grúpaí tomhaltóirí, grúpaí gnó, rialálaithe earnálacha, ranna rialtais agus rialálaithe fuinnimh Eorpacha.
Gearán a Dhéanamh faoin CRF
Má tá gearán agat maidir le seirbhís do chustaiméirí, iarrtar ar chustaiméirí nós imeachta gearán an CRF a leanúint.
