Gearán a dhéanamh
D’fhéadfadh deacrachtaí a bheith agat le do bhille ó am go chéile, nó le do cheangal leis an líonra leictreachais nó gáis nádúrtha, nó fadhb éigin eile a bhaineann le do sholáthar gáis nádúrtha nó leictreachais nó uisce. Mura bhfuil tú in ann d’fhadhb a réiteach, tá seirbhís neamhspleách in aisce ag an gCoimisiún um Rialáil Fóntais chun gearáin a réiteach.
Déan gearán le do sholáthraí fuinnimh
Mura bhfuil tú sásta leis an tseirbhís atá curtha ar fáil ag do sholáthraí fuinnimh nó d’oibritheoir líonra, is féidir leat gearán a dhéanamh leo.
Déan gearán le hUisce Éireann
Mura bhfuil tú sásta leis an tseirbhís uisce nó fuíolluisce atá curtha ar fáil ag Uisce Éireann, is féidir leat gearán a dhéanamh leo.
Gearán a dhéanamh leis an CRF
Cuireann an CRF seirbhís réitigh gearán ar fáil saor in aisce do chustaiméirí a chuir gearán isteach chuig a soláthraí, chuig a n-oibritheoir líonra nó chuig Uisce Éireann agus atá míshásta leis an toradh.
